دمعه ...؟؟
يحسين حبك ملك
كلبي وكل شريان
انت درس كل وكت
نقراه بكل ميدان
هيهات عنك نزل
عايش ابهل وجدان
عطر النبي ريحتك
نشمه كل ازمان
دمك رسم هالدرب
انت الصرت عنوان
عن القيم دافعت
عن نصرت الرحمن
صرتنه شعله وامل
منهاج كل انسان
بيكم الحك اعتله
ابدمك ثبت اركان
خطيت درب العلى
بالسيف والايمان
كل ثوره انت نهج
نهجك يشع برهان
اسمك على اهل الظلم
والجور كالبركان
طفك صار الشمس
احسينك تهز تيجان
انت الكرامه صرت
بقلة الاعوان
يومك البجه الحجر
والسمه والخلجان
شايل جبل من صبر
وتودع الخلان
حتى الرضيع انذبح
محروم او عطشان
يل قدمت للشرف
شبان والرضعان
ابطال شيب وشباب
امكطعه الذرعان
حتى اعرجت للسمه
امضرج وظمآن
والراس فوك الرمح
عينك على الوليان
يحسين لاح النصر
واعلامك النيشان
لن كبتك ترتفع
شاهد على العدوان
الكعبة انت صرت
كل لحظه لك طوفان
ممهور حبك يظل
مفتاح كل اجنان
حجتك صارت بلف
وتزيد بالميزان
دمعه بذكرك سيدي
اطفي النيران
ليست هناك تعليقات:
إرسال تعليق